Дезертерка од Северна Кореја, Ли Со-јеон (42) тврди дека навивачките на Зимските олимписки игри кои дошле од Северна Кореја, истовремено се и сексуални робинки на политичарите на забавите што се одржуваат секој ден.

- Севернокорејската уметничка трупа изведуваше фантастични песни и танцови, но уметниците не се задолжени за ширење пропагандата на Ким Џонг-ун, туку мора да одат на разни забави и да пружаат сексуални услуги - рекла Ли Со - јеон и додала дека девојките, дури и ако не сакаат, мора тоа да го прават.

- Само што ќе дојдат, мора да се соблечат голи - додала Ли, која своите тврдења ги темели на неколку инциденти што протекоа во јавноста пред неколку години.

- Тоа се „војски од убавици“. Жените се одбираат врз основа на добриот изглед, а потоа три месеци поминуваат низ „идеолошки тренинг“ за да се осигури нивната верност кон режимот - рекла за Би-би-си поранешна членка на тимот, Хан Сео-хи.

Дури и спортистите како и тренерите многумина ги опишуваат како „робови“ на Ким Џонг-ун, пишува „Индепендент“.

- Во Северна Кореја Ким Џонг-ун и неговиот режим се целиот свет. Сите тие, навивачи и спортисти, се негови робови. Режимот ги одбира луѓето за кои постојат најмали шанси да дезертираат, како и оние што доаѓаат од лојални семејства - тврди Ким Хујанг-су, кој со својот син, професионален скијач, побегнал во Јужна Кореја во 2009 година.