• 17 јуни 2024
  • Вести денес: 0
МИА22:22 27 февруари 2018 ● Прочитано 2213

Црна Гора има силна волја да влезе во Европската унија и нејзината судбина е во ЕУ, изјави денeска претседателот на Европската комисија Жан-Клод Јункер во црногорскиот парламент.

- За помалку од 12 години успеавте да поминете неверојатен пат - нагласи Јункер.

Тој потсети дека државата е членка на ОН, ММФ, СТО, а од лани и на НАТО. Претседателот на ЕК ги пофали постигнувањата на Црна Гора во процесот на европската интеграција, но предупреди дека не треба да се мешаат брзината и квалитетот на реформите.

– Со која брзина ќе се исполнат задачите од Стретегијата зависи од држава до држава. Не дојдов во Црна Гора да давам празни верувања. Датумот за влез во ЕУ зависи само од вас. Тој датум што се споменува, 2025 година, е само перспектива кон која треба да се оди со брзи чекори - рече Јункер на прес-конференцијата во Подгорица.

Тој додаде дека Црна Гора може да им служи како пример на останатите држави од Западен Балкан .

Јункер ја повика опозицијата да се врати во парламентот и оцени дека е важно да се воспостави дијалог и да се донесе „нова свежина“ околу целта – членство во ЕУ.

Во Парламентот во Подгорица, денеска немаше претставници на опозицискиот Демократски фронт, кои се вратија во пратеничките клупи кон крајот на минатата година, како ни претставници на „граѓанската“ опозиција, кои од изборите во октомври 2016 година ја бојкотираат работата на Парламентот.

На средбата со премиерот Душко Марковиќ, Јункер рече дека државата има два приоритета – интеграција во ЕУ и економски развој. Тој ја поздрави политиката што премиерот ја спроведува кон соседните држави. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Зетот на Трамп го изгуби пристапот до строго доверливи информации

Џаред Кушнер, соработник на американскиот претседател, веќе нема пристап до доверливи информации.

Специјалниот пратеник на САД за Северна Кореја се повлекува од функцијата

Јун изјави за американски медиуми дека одлуката е лична и оти државниот секретар Рекс Тилерсон се обидел да го убеди да остане на таа функција.

Ким Џонг ун и татко му користеле лажни пасоши за патувања

Како што се наведува, визите им требале за патувања во Бразил Јапонија или Хонг Конг.

Хуманитарци на Сиријки им даваат храна во замена за секс

Стигнуваат нови извештаи од југот на државата за неморални постапки при распоредување хуманитарна помош.

Израел го запре планот за оданочување црковен имот во Ерусалим

Засега верските лидери не реагираа на одлуката за прекин на плаќањето даноци, но најавено отворање на Базиликата на Светиот гроб.

НАЈЧИТАНИ