Екипите на ЈП „Комунална хигиена“ – Скопје информира дека во текот на минатата ноќ и утринава работат на расчистување на снегот и мразот во сите скопски општини, согласно програмата за работа на Зимската служба.

Во расчистувањето на снегот, како што информираат од ЈП „Комунална хигиена“ се ангажирани 125 работници, четири трактора со специјални четки за снег, еден трактор со специјални ножеви за снег, два мотокултиватора, како и две патарки за расфрлање на сол.

Во централното градско подрачје, расчистувањето се врши на плоштадот „Македонија“, во Старата чаршија, како и на пешачките патеки и тротоарите на мостот „Гоце Делчев“, Камениот мост, Мостот на револуцијата, Мостот „Бит Пазар“ и мостот „Слобода“.

Екипите на ЈП „Комунална хигиена“ – Скопје во моментов работат на расчистување на снегот долж улиците „Партизанска“, „Илинденска“, „ВМРО“, „11-ти Октомври“, „Крсте Мисирков“, „Цветан Димов“, „Х.Т.Карпош“, „Димитрија Чуповски“, „Филип Втори“, „Мајка Тереза“ и „Александар Македонски“. Работите ќе продолжат во три смени, во текот на целиот ден и претстојната ноќ.