• 18 мај 2024
  • Вести денес: 0
Плусинфо12:54 22 февруари 2018 ● Прочитано 5229

Екипи на Градот Скопје за да не предизвикаат застој во одвивањето на сообраќајот на една од најфреквентните крстосници кај Врховниот суд, утрово го отстранија бесправно поставениот споменик на Андон Лазов Јанев – Ќосето. Во отстранувањето беа ангажирани два камиона и еден кран за да не се загрози безбедноста на учесниците во сообраќајот, како и да не се предизвика застој поради времетраењето на отстранувањето. Целиот процес на отстранување на градбата се одвиваше околу 2 часа додека немаше сообраќај на булеварите.

Вака на денешната прес-конференција градоначалникот на Град Скопје Петре Шилегов го објасни процесот на отстранување на таканаречениот споменик на Ќосето.

- Град Скопје денеска го отстрани незаконски поставениот споменик на Андон Лазов Јанев – Ќосето пред судскиот комплекс. Во Скопје нема да се толерира незаконитоста и недозволеното постапување. Започнува справувањето со проектот „Скопје 2014“. Сите досегашни самоволни активности на претходните власти во градот ќе бидат соодветно законски третирани. На ова место, пред Судската палата, ќе биде засадено дрво посветено на човековите права со изгравирана плочка донирана од збратимениот град Нирнберг на која ќе биде испишан текстот од членот 10 од Декларацијата за човекови права на Обединетите нации во кој стои „Секој има потполно еднакво право на праведно и јавно судење пред независен и непристрасен суд, при одредувањето на неговите права и обврски и во услови на какво и да е кривично обвинение против него“. Пораката што ќе ја испрати Градот Скопје до граѓаните е дека во судот правдата е слепа и се дели непристрасно - изјави на денешната прес-конференција градоначалникот Петре Шилегов.

Тој објасни дека отстранувањето на градбата е извршено по донесеното Решение за негово отстранување (во рок од три дена по добивање на Решението добиено на 20.02.2018 година), од овластениот градежен инспекторат во Општина Центар -Скопје. Градежниот инспекторат кој извршил увид на фактичката состојба на самото место и на постапката за спомен-обележјето на Андон Лазов Јанев – Ќосето, утврдил дека инвеститорот, односно Градот Скопје, нема Решение за поставување на овој споменик.

Отстранувањето на бесправно поставениот споменик на Андон Лазов Јанев – Ќосето е извршено согласно со предложените мерки во елаборатот на Работната група за изработка на анализа за реализацијата и последиците од т.н. „Проект Скопје 2014“, формирана од Министерството за култура на Република Македонија, велат од Град Скопје.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Зачестиле пријавите за напади од кучиња, граѓани ги повикуваат надлежните на терен

Градските власти велат дека имаат доволно ресурси за бездомните кучиња да добијат хуман третман, но оти во зима нападите зачесуваат поради гладот.

Сопиште го бара Ќосето за да го постави на кружниот тек

Општина Сопиште бара од Здружението за духовно обединување на Сетинци, Попадинци и Крушоради, да им го отстапат споменикот на Андон Јанев Ќосето.

„Берлин бар“ нуди ноќевање и оброк на животинчиња додека трае студот

„Берлин бар“ се наоѓа во близина на железничката станица во Скопје. Првиот гостин е кучето Среќко (Lucky).

Плоштад „Македонија“, Стара чаршија, Камени мост се чистат од снег

Попладнево се расчистваат и главните улици во градот, како Партизанска и Илинденска.

Карпош се справува со снегот

Снегот се чистеше и улиците се посипуваа со сол на патот за Горно Нерези, на ул. Трнодол во населбата, Жданец, во населба Бардовци на ул. 4 и 6.

НАЈЧИТАНИ