На првата работна средба меѓу градоначалникот на Карпош Стефан Богоев и командирот на полициската станица Карпош, Владо Симјановски, како една од првите критични локации е посочен Кејот на реката Вардар, односно мостот „Газела”, каде што честопати локалното население создава депонија. 

За да се обезбеди поголема контрола на овој потег кој најчесто се злоупотребува за фрлање отпад, во фаза на договарање е координирана акција меѓу Општината и Полициската станица Карпош, во која ќе бидат санкционирани сите оние кои го загадуваат потегот долж реката Вардар.

- Богоев напомена дека мора да се врати редот околу градилиштата во Општината. Инспекторите на Општината се често на терен и го спроведуваат законот, но ставот на Општина Карпош е дека е потребна асистенција и на сообраќајната полиција, и тоа присуство на барем две патроли, една која би ги контролирала градежните активности во Тафталиџе и на улица Прашка, и втора на крајот на булеварот Илинден, со цел да се справат и да го спречат загадувањето кое се прави од градежната механизација - рече Богоев.

Освен тоа, на пролет и во летниот период од годината, забележително е нарушувањето на јавниот ред и мир во повеќе населби во Карпош. За оваа цел, Општината предвидува да ангажира лица кои во одреден период од денот ќе ги чуваат игралиштата, платоата, плоштадите и скверовите во Карпош, со што ќе се обезбеди поголема безбедност на овие места. Овие патроли ќе овозможат и зачувув
ање на урбаната опрема која често пати се оштетува од страна на несовесни посетители.

Командирот Симјановски посочи дека Полициската станица е подготвена да помогне во обуката на патролите, нивна едукација и поддршк